Góðir tímar!

Jæja, það er víst komin tími á að ég láti vita eitthvað aðeins af mér héðan!

Skólinn er löngu byrjaður og held ég að þetta verði bara alveg ágætt ár, lofar góðu miðað við það seinasta, en hvað er ekki betra en í fyrra?

Sumarið var stutt, eða allavega fljótt að líða. En það varð þó að blautri, drullugri og frábærri Hróaskeldu, alltof stuttri heimsókn til Íslands og dásamlegri Parísarferð. Svo þess var vel notið!

Annars geri ég lítið en að vera í skólanum, læra, æfa fyrir menningarnótt þar sem við í ár dönsum á Glyptoteket innan um alla antíkina, skemmta mér og eyða einhverjum tíma í ekki neitt.

Ég lagðist með flensu eftir skóla á fimmtudaginn, í fyrsta sinn í mörg mörg ár! Enda kann ég alls ekki að vera veik.

Ferð mín liggur svo í námsferð til Rómarborgar í október með Latínuflokknum, eitthvað verður það nú spennandi!

Sigrid flutt til Boston, ótrúlega skrítið að hún sé farin svo langt í burtu!

Annars er pressan á að fara að taka ákvörðun um hvað ég ætli að gera eftir stúdentspróf að verða meiri og meiri. Ef einhver spyr mig gæti mér hætt til að lemja viðkomandi úr stressi! Nei ég segji svona. Er agalega áttavilt og hef ekki grænan grun!

Jæja, ætlaði bara aðeins að láta vita af mér!
Þangað til næst - Ásgerður

Lestrarfrí í sólinni

Það væri lygi ef ég segði veðrið vera leiðinlegt, sólin er búin að skína á okkur og hitinn hefur verið hár hár hár.
Ég get ekki klagað yfir því að ,,fríið mitt" hefði verið leiðinlegt, hef getað vappað um á ströndinni, vappað um í garðinum, vappað um í vinnuni og vappað í próf inn á milli.
Á ekki nema tvö próf eftir, skipta hvorug litlu máli þar sem þetta eru bara árspróf. Skrifleg latína á morgun, ég ætti kannski að vera að lesa yfir málfræðina, en læt það vera.

Kasper færði mér Sex in the city boxið um daginn og hef ég legið yfir því, ætli hann hafi gefið mér það til þess að kípa mér busy? Maður spyr sig ;-)

Það styttist í Justin Timberlake tónleikana, eitthvað verður það nú frábært!!

Asnaðist til þess að ráða mig í vinnu á Middelgrundsfortet annað kvöld og laugardagskvöldið. Æji, ég ætti nú að ráða við það.

Amma og afi eru búin að dvelja hjá okkur, og Addó er hérna núna. Notalegt, grænmetissósa og flatkökur.

Hitti Báru, Anítu og Láru um daginn. Ótrúlegt hvað tíminn líður.

Jæja, ég ætla að skríða undir sæng og sofna út frá Sex in the city. Góð upphitun fyrir Latínuna, eða hvað?

- Ásgerður

Einhverstaðar þarf að byrja

Ákvað að byrja upp á nýtt, til þess að sjá hvort ég eigi eftir að standa mig betur i nýju umhverfi.

Það er vika eftir af venjulegri skólagöngu, svo tekur lestrarfríið við. Á eftir að skila einu einasta verkefni af þessum 90, og þó hef ég nákvæmlega ekkert lært af reynslunni. Finn mér alltaf eitthvað annað að gera heldur en að byrja tímalega. Eins og til dæmis að byrja á nýju bloggi.
Fengum að vita í seinustu viku hvaða stúdentspróf væru dregin fyrir hvert og eitt okkar, lendi ég í munnlegri líffræði fyrir utan skrifleg stærðfræði sem er skylda, af öllum þessum 6 fögum sem ég klára í ár, ásamt alls kyns ársprófum að sjálfsögðu.

Hef aldrei verið eins leið á að vera í skóla eins og núna, kannski að því að það versta er eftir.
Það gerir það samt auðveldara að veðrið sé svona frábært, birtir til á deginum.

Hjólinu mínu var samt stolið fyrir hálfum mánuði, og akkurat þegar ég var byrjuð að geta hjólað í skólan og var farin að njóta þess. Vona að nýr eigandi njóti þess, ég er allavega með augun opin fyrir nýju einmannalega hjóli án eiganda.

Sit og skrifa verkefni um dönsku rauðsokkana, þar sem ég rökræði allt í kring um þetta við sjálfa mig og hef aldrei áður verið eins stolt af því að vera kona!

Michael hljóp maraþon í dag! Að fólk skuli vilja pína og kvelja líkama sinn, og þar að auki að borga fyrir það. Verð að prufa þetta einn daginn, allavega hálfmaraþon. Bara til þess að geta hugsað til baka, já og talað um það.
Elsti hlauparinn var 74 ára kona, ég hef nægan tíma til þess að þjálfa fyrir þetta ;-)

Fór einmitt út að hlaupa í dag, eins og ég segji, það er allt meira spennandi en að sitja heima fyrir framan tölvuna þegar deadline hangir á herðum mér.
Ég hef heldur aldrei verið áhugasamari gagnvart kapal eins og núna.

Ásgerður - heimsmeistari í að drepa tímann.